திரைப்பட ரசிகர்களைத் தனது பிரம்மாண்டமான காட்சி அமைப்புகளால் கிறங்கடிக்கும் ஹாலிவுட் இயக்குனர் கிறிஸ்டோபர் நோலனின் ‘தி ஒடிஸி’ திரைப்படம், சினிமா வரலாற்றில் இதுவரை இல்லாத அளவிற்கு மிகப்பெரிய தொழில்நுட்ப மைல்கல்லை எட்டியுள்ளது. முழுமையாக ஐமேக்ஸ் கேமராக்களால் படமாக்கப்பட்ட இந்தத் திரைப்படத்தின் ஒரு பிலிம் பிரிண்ட் மட்டுமே சுமார் 384 கிலோ கிராம் எடை கொண்டு, ஒரு கிராண்ட் பியானோவை விட மிகக் கனமாக உள்ளதாகத் தகவல்கள் வெளியாகியுள்ளன. சுமார் 6.4 லட்சம் மீட்டர் நீளமுள்ள இந்த பிசிக்கல் பிலிம் சுருளைப் புரொஜெக்டரில் ஏற்றி திரையிடுவதே திரையரங்க ஊழியர்களுக்கு ஒரு மிகப்பெரிய சவாலான காரியமாக மாறியுள்ளது.
சுமார் 375 மில்லியன் டாலர் பிரம்மாண்ட பட்ஜெட்டில் உருவாக்கப்பட்டு சந்தைப்படுத்தப்பட்டுள்ள இந்த திரைப்படத்தை, அதன் உண்மையான 1.43:1 என்ற முழு ஐமேக்ஸ் வடிவத்தில் திரையிடும் வசதி உலகளவில் வெறும் 41 திரையரங்குகளில் மட்டுமே உள்ளது. இதில் அமெரிக்காவில் 26 திரையரங்குகளும், ஆஸ்திரேலியாவின் மெல்போர்னில் ஒன்றும் உள்ளன. துரதிர்ஷ்டவசமாக இந்தியாவில் இத்தகைய 70mm ஐமேக்ஸ் பிலிம் புரொஜெக்டர் வசதி கொண்ட திரையரங்கு ஒன்றுகூட இல்லை.
ONE COPY OF THIS MOVIE WEIGHS 384 KILOGRAMS
Christopher Nolan’s The Odyssey was shot entirely on IMAX film.
A single 70mm print is so massive that Cinemark had to show people how it even gets loaded into the projector.
– One print stretches 640,000 meters of physical film
-… https://t.co/XioapgadPu pic.twitter.com/mGuXiz5J3E— BuBBliK (@k1rallik) July 20, 2026
இதனால், நோலன் உருவாக்கிய அந்த உண்மையான காட்சி அனுபவத்தை அப்படியே திரையில் கண்டு களிப்பதற்காக, உலகெங்கிலும் உள்ள தீவிர சினிமா ரசிகர்கள் மெல்போர்ன் நகருக்கு விமானம் மூலம் படையெடுத்து வருகிறார்கள். வெறும் டிஜிட்டல் கோப்பாக இல்லாமல், சரக்கு லாரியில் ஏற்றி வரும் அளவிற்குப் பிரம்மாண்டமான பிலிம் ரோலாக வந்துள்ள ‘தி ஒடிஸி’ திரைப்படம், திரையரங்கு அனுபவத்தை அடுத்த கட்டத்திற்கு எடுத்துச் சென்று உலகையே வியப்பில் ஆழ்த்தியுள்ளது!
