ஐரோப்பிய சந்தையைக் குறிவைத்து முன்னணி இரு சக்கர வாகனத் தயாரிப்பு நிறுவனமான டிவிஎஸ் (TVS), இத்தாலியில் நடைபெற்ற ஈக்மா (EICMA 2026) கண்காட்சியில் நான்கு புதிய தயாரிப்புகளை அறிமுகம் செய்துள்ளது. இதில் குறிப்பாக RTR 125 LC மோட்டார் சைக்கிள் உலகளவில் பெரும் கவனத்தை ஈர்த்துள்ளது.
இந்திய இரு சக்கர வாகனப் பிரியர்கள் மத்தியில் அதிக எதிர்பார்ப்பை ஏற்படுத்தியுள்ள இந்த புதிய மாடல்களின் சிறப்பம்சங்கள் மற்றும் இந்திய வருகை குறித்த விவரங்களை இங்குப் பார்ப்போம்.
புதிய RTR 125 LC சிறப்பம்சங்கள்
ஐரோப்பாவில் உள்ள ஏ1 (A1) லைசென்ஸ் வைத்திருப்பவர்களுக்காக பிரத்யேகமாக வடிவமைக்கப்பட்டுள்ள இந்த பைக்கில், புதிய டூப்ளர் ட்ரெல்லிஸ் ஃபிரேம் (trellis frame) மற்றும் காஸ்ட் ஸ்விங்கார்ம் கொடுக்கப்பட்டுள்ளது.
-
இன்ஜின் திறன்: 125சிசி லிக்விட்-கூல்டு சிங்கிள் சிலிண்டர் இன்ஜின் பொருத்தப்பட்டுள்ளது. இது 9,000 ஆர்பிஎம்-ல் 14.7 ஹெச்பி சக்தியையும், 7,000 ஆர்பிஎம்-ல் 12 என்எம் டார்க்கையும் வெளிப்படுத்தும் திறன் கொண்டது. இது 6-ஸ்பீடு கியர்பாக்ஸ் மற்றும் ஸ்லிப் அண்ட் அசிஸ்ட் கிளட்ச் உடன் இணைக்கப்பட்டுள்ளது.
-
சஸ்பென்ஷன் மற்றும் பிரேக்: KYB நிறுவனத்தின் 41 மிமீ யுஎஸ்டி (USD) முன்பக்க ஃபோர்க்குகளும், பின்னாளில் மோனோஷாக் சஸ்பென்ஷனும் வழங்கப்பட்டுள்ளன. பை பிரேக் (ByBre) டிஸ்க் பிரேக்குகள் மற்றும் டூயல்-சேனல் ஏபிஎஸ் (ABS) தரமாக இடம்பெற்றுள்ளன.
-
நவீன தொழில்நுட்பம்: முழுமையான மேப் மிரரிங் வசதியுடன் கூடிய 5 இன்ச் டிஎஃப்டி (TFT) டிஸ்ப்ளே, ப்ளூடூத் இணைப்பு மற்றும் பல்வேறு ரைடிங் மோடுகள் கொடுக்கப்பட்டுள்ளன.
எலக்ட்ரிக் ஸ்கூட்டர்களும் இந்திய நிலவரமும்
RTR 125 பைக்குடன் சேர்த்து, ஆர்பிட்டர் (Orbiter), எக்ஸ் (X) மற்றும் எம்1எஸ் (M1S) ஆகிய எலக்ட்ரிக் ஸ்கூட்டர்களையும் டிவிஎஸ் ஐரோப்பாவில் அறிமுகம் செய்துள்ளது. இதில் ஆர்பிட்டர் ஸ்கூட்டர் இந்திய மாடலைப் போலவே இருந்தாலும், ஐரோப்பாவிற்காக ‘எக்ஸ்’ ஸ்கூட்டரின் வீல் அளவு 12 இன்ச்சிலிருந்து 14 இன்ச்சாக மாற்றப்பட்டுள்ளது. மேலும் இந்தியாவில் இல்லாத எம்1எஸ் ஸ்கூட்டர் 4.2kWh பேட்டரி திறன் மற்றும் 120 கிமீ மைசரேஜ் உடன் அறிமுகமாகியுள்ளது.
தற்போது அறிமுகம் செய்யப்பட்டுள்ள RTR 125 LC மற்றும் M1S ஆகிய இரு வாகனங்களையும் இந்தியாவில் எப்போது வெளியிடப்படும் என்பது குறித்த அதிகாரப்பூர்வ அறிவிப்பை டிவிஎஸ் இன்னும் வெளியிடவில்லை. இருப்பினும், இந்த அதிநவீன அம்சங்கள் கொண்ட பைக் இந்தியாவிற்கு வந்தால், இதன் விலை மற்றும் ஹெட்மேட் பிரிவு உயர்வாகவே நிர்ணயிக்கப்படும் என எதிர்பார்க்கப்படுகிறது.