தங்கம் மற்றும் வெள்ளி விலை இன்று (ஏப்ரல் 30, 2026) அதிரடியாக உயர்ந்து நுகர்வோரை அதிர்ச்சியில் ஆழ்த்தியுள்ளது. சர்வதேச சந்தை மாற்றங்கள் மற்றும் தேவையால், நேற்று குறைந்திருந்த தங்கம் விலை இன்று மீண்டும் ஏறுமுகத்தைக் கண்டுள்ளது.
தமிழகத்தில் இன்று 22 கேரட் தங்கம் கிராமுக்கு ரூ.200 உயர்ந்து, ரூ.14,100-க்கு விற்பனை செய்யப்படுகிறது. இதன் மூலம், ஒரு சவரன் தங்கத்தின் விலை ஒரே நாளில் ரூ.1,600 அதிகரித்து, ரூ.1,12,800 என்ற புதிய உச்சத்தை எட்டியுள்ளது. நேற்று ஒரு சவரன் ரூ.1,11,200-க்கு விற்பனையானது குறிப்பிடத்தக்கது.
வெள்ளி விலையைப் பொறுத்தவரை, இன்று கிராமுக்கு ரூ.10 உயர்ந்து ரூ.270-க்கு விற்பனை செய்யப்படுகிறது. இதன் அடிப்படையில், ஒரு கிலோ வெள்ளி ரூ.2,70,000 ஆக உள்ளது. நேற்று ஒரு கிலோ வெள்ளி ரூ.2,60,000-க்கு விற்பனையான நிலையில், இன்று ரூ.10,000 வரை அதிகரித்துள்ளது. தங்கம் மற்றும் வெள்ளி என இரண்டுமே ஒரே நாளில் கணிசமாக உயர்ந்திருப்பது நகை வாங்குவோரிடையே கவலையை ஏற்படுத்தியுள்ளது. வரும் நாட்களில் விலை குறையுமா அல்லது மேலும் அதிகரிக்குமா என்பதைப் பொறுத்திருந்துதான் பார்க்க வேண்டும்.
