சென்னையில் கடந்த இரண்டு நாட்களாக எவ்வித மாற்றமும் இன்றி ஒரே விலையில் நீடித்து வந்த ஆபரணத் தங்கம் மற்றும் வெள்ளியின் விலை, வாரத்தின் இரண்டாம் நாளான இன்று அதிரடிச் சரிவைச் சந்தித்துள்ளது. இந்த திடீர் விலை வீழ்ச்சி நகை வாங்கக் காத்திருக்கும் பொதுமக்களுக்குப் பெரும் மகிழ்ச்சியையும் நிம்மதியையும் தந்துள்ளது.
இன்று ஜூன் 23 ஆம் தேதி நிலவரப்படி, சென்னையில் 22 கேரட் ஆபரணத் தங்கம் ஒரு கிராம் 13,560 ரூபாய்க்கு விற்பனை செய்யப்படுகிறது. இது நேற்றைய விலையை விட 40 ரூபாய் குறைவாகும். இதன் மூலம், ஒரு சவரன் (8 கிராம்) ஆபரணத் தங்கம் நேற்றைய விலையிலிருந்து 320 ரூபாய் சரிந்து, இன்று 1,08,480 ரூபாய்க்குத் தடையின்றி விற்பனையாகி வருகிறது.
தங்கத்தைத் தொடர்ந்து வெள்ளியின் விலையிலும் இன்று பலத்த வீழ்ச்சி பதிவாகியுள்ளது. இன்று ஒரு கிராம் வெள்ளி 5 ரூபாய் குறைந்து 250 ரூபாய்க்கும், ஒரு கிலோ வெள்ளி நேற்றைய விலையிலிருந்து 5,000 ரூபாய் அதிரடியாகக் குறைந்து 2,50,000 ரூபாய்க்கும் வர்த்தகமாகி வருகிறது.
