ஒன்பிளஸ் நிறுவனம் தனது அடுத்த தலைமுறை ஃபிளாக்ஷிப் டேப்லெட்டான ‘OnePlus Pad 4’-ஐ வரும் ஏப்ரல் 30-ம் தேதி மதியம் 12 மணிக்கு இந்தியாவில் அறிமுகம் செய்ய உள்ளதாக அதிகாரப்பூர்வமாக அறிவித்துள்ளது. ஏற்கனவே உள்ள ஒன்பிளஸ் பேட் சீரிஸில் இது ஒரு மிகப்பெரிய முன்னேற்றமாக இருக்கும் என எதிர்பார்க்கப்படுகிறது. குறிப்பாக, இதன் சிறப்பம்சங்கள் டேப்லெட் சந்தையில் ஒரு புதிய போக்கை உருவாக்கும் வகையில் அமைந்துள்ளது.
தகவல்கள் தெரிவிப்பதாவது, இந்த டேப்லெட்டில் குவால்காம் நிறுவனத்தின் அதிவேக Snapdragon 8 Elite Gen 5 சிப்செட் பயன்படுத்தப்பட்டுள்ளது. இது 12GB வரையிலான RAM மற்றும் 512GB ஸ்டோரேஜ் வசதியுடன் வருகிறது. இதன் மூலம் கேமிங் மற்றும் வீடியோ எடிட்டிங் போன்ற கடினமான பணிகளை மிக எளிதாக மேற்கொள்ள முடியும். மேலும், இதில் 13.2 இன்ச் அளவுள்ள 3.4K (3392 x 2400) டிஸ்ப்ளே கொடுக்கப்பட்டுள்ளது. இது 144Hz ரிஃப்ரெஷ் ரேட் மற்றும் 1,000 நிட்ஸ் பிரைட்னஸ் வசதியுடன் வருவதால், காட்சிகளை மிகத் தெளிவாகவும் துல்லியமாகவும் பார்க்க முடியும்.
View this post on Instagram
பேட்டரி திறனைப் பொறுத்தவரை, ஒன்பிளஸ் நிறுவனம் இம்முறை ஒரு மிகப்பெரிய சாதனையை நிகழ்த்தியுள்ளது. இதுவரை இல்லாத வகையில் 13,380mAh மெகா பேட்டரி இந்தத் டேப்லெட்டில் பொருத்தப்பட்டுள்ளது. இதனை வேகமாகச் சார்ஜ் செய்ய 80W சூப்பர்-வூக் (SUPERVOOC) ஃபாஸ்ட் சார்ஜிங் வசதியும் வழங்கப்பட்டுள்ளது. இதனால் பேட்டரி தீர்ந்துவிடும் என்ற கவலை இன்றி நாள் முழுவதும் டேப்லெட்டைப் பயன்படுத்தலாம்.
வடிவமைப்பைப் பார்த்தால், மெட்டல் யூனிபாடி பினிஷிங்குடன் ‘Dune Glow’ மற்றும் ‘Sage Mist’ ஆகிய இரண்டு பிரிமீயம் வண்ணங்களில் இது கிடைக்கிறது. மேலும், இது ஒன்பிளஸ் ஸ்டைலோ ப்ரோ (Stylo Pro) மற்றும் ஸ்மார்ட் கீபோர்டு வசதிகளையும் ஆதரிக்கிறது. இதன் மூலம் அலுவலக வேலைகளுக்கும், ஓவியம் வரைபவர்களுக்கும் இது ஒரு லேப்டாப்பிற்கு மாற்றாக அமையும் என்பதில் சந்தேகமில்லை.