நேற்று ஒரே நாளில் வரலாறு காணாத புதிய உச்சத்தைத் தொட்டு பொதுமக்களுக்குப் பேரதிர்ச்சி கொடுத்த ஆபரணத் தங்கம் மற்றும் வெள்ளியின் விலை, இன்று அப்படியே தலைகீழாக அதிரடி சரிவைக் கண்டு நுகர்வோருக்குப் பெரும் நிம்மதியை அளித்துள்ளது.
சென்னையில் இன்று (மே 20, 2026) 22 கேரட் ஆபரணத் தங்கம் ஒரு கிராம் நேற்று விற்கப்பட்ட விலையிலிருந்து ரூ.120 குறைந்து ரூ.14,750 ஆக விற்பனையாகிறது. இதன் காரணமாக, ஒரு சவரன் தங்கம் விலை ஒரே நாளில் ரூ.960 அதிரடியாகச் சரிந்து ரூ.1,18,000 என்ற நிலைக்கு வந்துள்ளது.
தங்கத்தை விட வெள்ளியின் விலை இன்று மிகக் கடுமையான சரிவைச் சந்தித்துள்ளது. அதன்படி, ஒரு கிராம் வெள்ளியின் விலை ரூ.15 குறைந்து ரூ.285-க்கு விற்கப்படுகிறது. இதனால் ஒரு கிலோ வெள்ளி விலை நேற்று இருந்த ரூ.3,00,000-ல் இருந்து ஒரே நாளில் ரூ.15,000 சரிந்து, இன்று ரூ.2,85,000 என்ற விலைக்கு விற்பனை செய்யப்பட்டு வருகிறது. சர்வதேச சந்தையில் ஏற்பட்ட திடீர் மாற்றங்களே இந்த மளமள சரிவுக்குக் காரணம் என்று நகை வியாபாரிகள் தரப்பில் தெரிவிக்கப்படுகிறது.
