தமிழகத்தில் தங்கம் மற்றும் வெள்ளி விலை கடந்த சில தினங்களாக ஒருவித ஸ்திரத்தன்மையுடன் காணப்படுகிறது. இன்று (மே 9, 2026) தங்கம் மற்றும் வெள்ளி ஆகிய இரண்டுமே நேற்றைய விலையிலேயே மாற்றமின்றி விற்பனை செய்யப்படுகின்றன.
தங்கம் விலை விபரம்: ஆபரணத் தங்கத்தின் விலை கடந்த மே 7-ம் தேதி முதல் இன்று வரை தொடர்ந்து மூன்றாவது நாளாக எந்த மாற்றமும் இன்றி ஒரே விலையில் நீடிக்கிறது. இன்று 22 கேரட் ஆபரணத் தங்கம் ஒரு கிராம் ரூ.14,150-க்கும், ஒரு சவரன் தங்கம் ரூ.1,13,200-க்கும் விற்பனை செய்யப்படுகிறது. கடந்த மூன்று நாட்களாக விலையில் உயர்வோ அல்லது வீழ்ச்சியோ இன்றி ஒரே சீராக இருப்பது நகை வாங்குவோருக்குச் சற்று நிம்மதியை அளித்துள்ளது.
வெள்ளி விலை நிலவரம்: நேற்று அதிரடியாக உயர்ந்த வெள்ளி விலை, இன்று அதே விலையில் நீடிக்கிறது. இன்று ஒரு கிராம் வெள்ளி ரூ.280-க்கும், ஒரு கிலோ வெள்ளி ரூ.2,80,000-க்கும் விற்பனை செய்யப்படுகிறது. சர்வதேச சந்தையில் பெரிய அளவிலான மாற்றங்கள் இல்லாத காரணத்தால், உள்நாட்டுச் சந்தையிலும் விலை உயராமல் அதே நிலையில் தொடர்வதாகக் கூறப்படுகிறது.
