தமிழகத்தில் தங்கம் மற்றும் வெள்ளி விலை கடந்த சில நாட்களாக ஏற்ற இறக்கத்துடன் காணப்பட்டு வரும் நிலையில், இன்று (மே 5, 2026) விலை அதிரடியாகக் குறைந்துள்ளது. நேற்றைய சந்தை நிலவரத்துடன் ஒப்பிடுகையில் இன்று தங்கம் மற்றும் வெள்ளி ஆகிய இரண்டின் விலையுமே சரிவைச் சந்தித்துள்ளது நகை வாங்குவோருக்குச் சற்று நிம்மதியை அளித்துள்ளது.
இன்றைய (மே 5, 2026) நிலவரப்படி, ஆபரணத் தங்கம் (22 கேரட்) ஒரு கிராம் ரூ. 13,820 ஆக விற்பனை செய்யப்படுகிறது. இது நேற்றைய விலையான ரூ. 14,000-லிருந்து ரூ. 180 குறைவு என்பது குறிப்பிடத்தக்கது. அதேபோல், ஒரு சவரன் தங்கம் இன்று ரூ. 1,10,560-க்கு விற்பனையாகிறது. நேற்றைய விலையான ரூ. 1,12,000-ஐ விட இன்று சவரனுக்கு ரூ. 1,440 குறைந்துள்ளது.
வெள்ளி விலையும் இன்று சரிவைக் கண்டுள்ளது. ஒரு கிராம் வெள்ளி நேற்றை விட ரூ. 5 குறைந்து ரூ. 265-க்கு விற்பனை செய்யப்படுகிறது. ஒரு கிலோ வெள்ளியின் விலை ரூ. 2,65,000 ஆக உள்ளது. இது நேற்றைய விலையான ரூ. 2,70,000-ஐ விட ரூ. 5,000 குறைவாகும். சர்வதேச சந்தையில் நிலவும் மாற்றங்களே இந்த அதிரடி விலை வீழ்ச்சிக்குக் காரணமாகக் கூறப்படுகிறது.
