இந்தியப் பொருளாதாரத்தை வலுப்படுத்தும் நோக்கில், மத்திய அரசு ஒரு வரலாற்றுச் சிறப்புமிக்க முடிவை எடுத்துள்ளது. இந்தியக் காப்பீடு துறையில் (Insurance Sector) 100% அந்நிய நேரடி முதலீட்டிற்கு (FDI) அனுமதி அளித்து அதிகாரப்பூர்வ அரசாணை வெளியிடப்பட்டுள்ளது.
அரசின் அனுமதியின்றி முதலீடு: இந்த புதிய அறிவிப்பின் மூலம், வெளிநாட்டு நிறுவனங்கள் இந்தியக் காப்பீடு நிறுவனங்களில் முதலீடு செய்ய இனி அரசின் முன் அனுமதி பெறத் தேவையில்லை. ‘தானியங்கி முறையில்’ (Automatic Route) நேரடியாக 100% வரை முதலீடு செய்ய வழிவகை செய்யப்பட்டுள்ளது. இதன் மூலம் இந்தியக் காப்பீடு சந்தையில் அதிக அளவிலான வெளிநாட்டு மூலதனம் மற்றும் நவீனத் தொழில்நுட்பங்கள் வர வாய்ப்புள்ளதாகக் கருதப்படுகிறது.
LIC-க்கு மட்டும் 20% வரம்பு: இருப்பினும், நாட்டின் மிகப்பெரிய பொதுத்துறை காப்பீடு நிறுவனமான எல்ஐசி (LIC) -யில் மட்டும் அந்நிய நேரடி முதலீட்டு வரம்பு 20% ஆகத் தொடரும் என மத்திய அரசு தெளிவுபடுத்தியுள்ளது. எல்ஐசி-யின் பங்குகள் பொதுமக்களின் சேமிப்போடு நேரடியாகத் தொடர்புடையவை என்பதால், அதில் மட்டும் கூடுதல் கட்டுப்பாடு நீடிக்கிறது.
மத்திய அரசின் இந்தத் துணிச்சலான நடவடிக்கை, இந்தியக் காப்பீடு துறையில் பெரும் போட்டியை உருவாக்குவதோடு, பாலிசிதாரர்களுக்குப் புதிய வசதிகள் மற்றும் குறைந்த கட்டணத்தில் காப்பீடு கிடைக்க வழிவகுக்கும் என எதிர்பார்க்கப்படுகிறது.
