மே 2026 மாதம் ஸ்மார்ட்போன் உலகிற்கு ஒரு மிக முக்கியமான மாதமாக இருக்கப்போகிறது. முன்னணி நிறுவனங்களான விவோ, ஓப்போ மற்றும் ஒன்பிளஸ் ஆகியவை தங்களின் புதிய மாடல்களை அடுத்த மாதம் இந்தியச் சந்தையில் களமிறக்கவுள்ளன.
விவோ X300 தொடர் (மே 6 அறிமுகம்)
விவோ நிறுவனம் தனது X300 தொடரில் இரண்டு புதிய போன்களை அறிமுகம் செய்கிறது. இவை முற்றிலும் கேமராவை மையமாக வைத்து (Camera Focused) உருவாக்கப்பட்டுள்ளன.
Vivo X300 Ultra: இதில் 200MP பிரதான கேமரா, 50MP அல்ட்ரா-வைட் மற்றும் 200MP பெரிஸ்கோப் டெலிபோட்டோ லென்ஸ் இடம்பெறவுள்ளது. இதன் விலை சுமார் ரூ. 1 லட்சம் வரை இருக்கலாம்.
Vivo X300 FE: ஐபோன் SE மாடலைப் போன்ற நேர்த்தியான டிசைனில் வரும் இந்த போனின் விலை ரூ. 60,000-க்கு மேல் இருக்கும். இவை 6500mAh பேட்டரியைக் கொண்டுள்ளன.
ஓப்போ Find X9 தொடர்
ஓப்போ நிறுவனம் Find X9 Ultra மற்றும் Find X9s ஆகிய இரண்டு மாடல்களை மே மாதம் அறிமுகம் செய்கிறது.
Find X9 Ultra: இதில் 200MP பிரதான கேமரா மற்றும் 50MP முன்பக்க கேமரா உள்ளது. இதன் மிகப்பெரிய பலம் 7050mAh பேட்டரி மற்றும் அதிவேக சார்ஜிங் வசதியாகும்.
ஒன்பிளஸ் நிறுவனம் பட்ஜெட் மற்றும் மிட்-ரேஞ்ச் பிரிவில் நோர்ட் CE 6 மற்றும் CE 6 Lite மாடல்களைக் கொண்டுவருகிறது.
Nord CE 6: இதன் விலை ரூ. 30,000-க்கு மேல் இருக்கும். இதில் மலைக்கவைக்கும் 8000mAh பேட்டரி வழங்கப்பட்டுள்ளது.
OnePlus 15s: பிரீமியம் பிரிவில் வெளியாகும் இந்த போன் 7500mAh பேட்டரியுடன், ரூ. 60,000 விலையில் எதிர்பார்க்கப்படுகிறது.
இன்பினிக்ஸ் GT 50 Pro மற்றும் பிற மொபைல்கள்
கேமிங் பிரியர்களுக்காக இன்பினிக்ஸ் GT 50 Pro மாடலைக் கொண்டுவருகிறது. இதன் விலை சுமார் ரூ. 30,000 ஆக இருக்கும். இது தவிர, சியோமி 17T (Xiaomi 17T), iQOO z11 lite, ரியல்மி P4R, மற்றும் மோட்டோரோலா Razr 70 தொடர்களும் மே மாதம் வெளியாக அதிக வாய்ப்புள்ளது.
புதிய போன் வாங்கக் காத்திருப்பவர்களுக்கு மே மாதம் பல சிறந்த தேர்வுகளை வழங்கப்போவது உறுதி.
