மகாராஷ்டிரா அரசியல் களம் தற்போது யாரும் எதிர்பார்க்காத வகையில் உச்சக்கட்ட பரபரப்பை எட்டியுள்ளது. மும்பை தாதர் பகுதியில் உள்ள புகழ்பெற்ற ஹனுமான் கோவில் முன்பு திரண்டிருந்த நூற்றுக்கணக்கான சிவசேனா (யுபிடி) தொண்டர்கள் மத்தியில் உரையாற்றிய கட்சித் தலைவர் உத்தவ் தாக்கரே, ஆளும் பாஜாக அரசுக்கு எதிராக அதிரடியான மற்றும் கடுமையான அரசியல் தாக்குதலைத் தொடுத்துள்ளார். உத்தரப் பிரதேச மாநிலம் அயோத்தி ராமர் கோவிலுக்குப் பக்தர்கள் வழங்கிய காணிக்கைகள் மற்றும் நிதிகளில் கோடிக்கணக்கில் ஊழல் நடந்துள்ளதாகக் கூறி, அதற்கு எதிராக ‘ராம் ரக்ஷா அந்தோலன்’ என்ற அதிரடி இயக்கத்தைத் தொடங்கிய அவர், நாட்டின் ஒட்டுமொத்த இந்துக்களும் தற்போது பாஜாக அரசால் ஹிப்னாடிஸ் செய்யப்பட்டு மயக்க நிலையில் வைக்கப்பட்டுள்ளனர் என்ற அதிரடி புகாரைக் கிளப்பியுள்ளார்.
தாதர் ஹனுமான் கோவில் முன்பு தொண்டர்கள் அனைவரும் ஒன்றாக இணைந்து ராம் ரக்ஷா ஸ்தோத்திரம் மற்றும் ஹனுமான் சாலிசாவை முழங்கிய பின் பேசிய உத்தவ் தாக்கரே, பிரதமர் நரேந்திர மோடி தலைமையிலான மத்திய அரசு இந்துக்களின் ஆன்மீக நம்பிக்கையை வைத்து மிகப்பெரிய அளவில் பணக் கொள்ளையில் ஈடுபட்டு வருவதாகக் குற்றம் சாட்டினார். இந்த ஆன்மீக நிதி முறைகேடுகள் முதலில் கேதார்நாத் மற்றும் பத்ரிநாத் கோவில்களில் தொடங்கி, தற்போது அயோத்தி ராமர் கோவில் வரை வந்து நின்றுள்ளது என்று சாடினார். பாஜாகவினர் மேடைகளில் பேசும்போது அயோத்தி என்பது வெறும் டிரெய்லர் தான், காசி மற்றும் மதுரா இனிமேல் தான் வரப்போகிறது என்று கூறுவதைக் குறிப்பிட்டுப் பேசிய அவர், அங்கு இன்னும் என்னென்ன கோடிக்கணக்கான பணக் கொள்ளைகள் நடக்கப்போகிறதோ என்று நினைத்துத் தான் அஞ்சுவதாகத் தெரிவித்தார். இந்துக்களைக் காப்பதாகக் கூறிக்கொள்ளும் ஒரு கும்பல், அதே இந்துக்களின் புனிதமான காணிக்கைப் பணத்தைத் திருடி ஆட்சியை நடத்துவது ஒரு மிகப்பெரிய சாபக்கேடு என்று அவர் கொந்தளித்தார்.
श्रीराम मंदिर लुटीविरोधात रामरक्षा महाआरती | प्रमुख उपस्थिती – पक्षप्रमुख मा. श्री. उद्धवसाहेब ठाकरे | दादर, मुंबई – #LIVE https://t.co/FN8H3Opjuc
— ShivSena – शिवसेना Uddhav Balasaheb Thackeray (@ShivSenaUBT_) July 5, 2026
தனது குற்றச்சாட்டுகளுக்கு வலு சேர்க்கும் விதமாக, அயோத்தி கோவிலுக்கு ஒரு கிலோவிற்கும் அதிகமான தங்கத்தை வழங்கிய ஒரு மூத்த சிவில் சர்வீஸ் அதிகாரியே, தான் வழங்கிய தங்கம் எங்கே போனது என்று தெரியாமல் சென்சார் அதிகாரிகளிடம் கேள்வி எழுப்பும் நிலைக்கு ஊழல் முற்றியுள்ளது என்பதை உத்தவ் தாக்கரே வெளிச்சத்திற்குக் கொண்டு வந்தார். நாங்கள் தேசப்பற்றுள்ள உன்னதமான இந்துக்கள் தான், ஆனால் உங்கள் ஊழல்களைப் பார்த்துக் கொண்டு சும்மா இருப்பதற்கு நாங்கள் ஒன்றும் ஏமாளிகள் அல்ல என்று பாஜாகவை எச்சரித்தார். இந்த ஊழல் புகார்களைப் பாஜாக முற்றிலுமாக மறுத்தாலும், அயோத்தி ராமர் கோவில் அறக்கட்டளையின் பொதுச் செயலாளர் சம்பத் ராய் தனது பதவியை ராஜினாமா செய்திருப்பதும், உத்தரப் பிரதேச போலீசார் சிலரைக் கைது செய்திருப்பதும் இந்த ஊழல் உண்மையானது தான் என்பதை நிரூபிப்பதாகக் கூறி, பாஜாகவின் அநீதி லங்கையைத் தங்களின் உண்மையான தொண்டர்கள் நிச்சயம் எரிப்பார்கள் என்று சவால் விட்டார்.
இந்த அதிரடிப் போராட்டம் என்பது வெறும் ராமர் கோவில் நிதி முறைகேடு தொடர்பானது மட்டுமல்லாமல், சிவசேனா கட்சியின் அசல் சித்தாந்தத்திற்குச் சொந்தக்காரர் யார் என்ற அரசியல் போரையும் மீண்டும் தீவிரப்படுத்தியுள்ளது. கடந்த 2022 ஆம் ஆண்டு ஏக்நாத் ஷிண்டே நடத்திய பிளவுக்குப் பிறகு, பாலாசாஹேப் தாக்கரேவின் உண்மையான இந்துத்வாவை பாஜாக சீர்குலைத்துவிட்டதாகக் கூறும் உத்தவ், தனது தந்தையின் புகழ்பெற்ற “கர்வஸே கஹோ ஹம் ஹிந்து ஹைன்” என்ற முழக்கத்தை மீண்டும் கையில் எடுத்துள்ளார். காசுக்காகவும் பதவிக்காகவும் அலைபவர்கள் மத்தியில், தங்களின் சிவசேனா இயக்கம் மட்டுமே மக்களின் அசல் ஆன்மீக நம்பிக்கையையும், நேர்மையான இந்துத்வாவையும் பாதுகாக்கும் ஒரே அரணாகத் திகழும் என்று கூறி அவர் தனது உரையை நிறைவு செய்தார்.
