வீட்டுல ஃபேன் போடணும்னாலோ அல்லது ஏசியை ஆன் பண்ணணும்னாலோ நாம போய் சுவிட்ச் போடுறது சாதாரண விஷயம். ஆனா, ரூம் டெம்பரேச்சர் அதிகமான உடனே தானாவே ஏசி ஆன் ஆகி நமக்குக் கூலிங் கொடுத்தா எவ்வளவு சூப்பரா இருக்கும்? இந்த மாதிரியான ஒரு அட்வான்ஸ்டு வசதியைத் தான் இப்பொழுதைய டெக்னாலஜி நமக்குக் கொடுக்குது. இதே டெக்னாலஜி நம்ம பண விஷயத்துல, அதாவது நாம கேட்காமலே நம்ம தேவையை அறிஞ்சு இன்வெஸ்ட் பண்ணா எப்படி இருக்கும்? அதைச் செய்யத் தான் இப்பொழுது ‘ஏஜென்டிக் ஆர்டிஃபிஷியல் இன்டெலிஜென்ஸ்’ (Agentic AI) என்கிற புது டெக்னாலஜி மார்க்கெட்டுக்கு வந்திருக்கு.
நாம தற்பொழுது பயன்படுத்தி வரும் சாதாரண ஏஐ சிஸ்டம்கள் நாம கேட்குற கேள்விகளுக்குப் பதில் சொல்லும், அல்லது நாம சொல்ற வேலையை மட்டும் செய்யும். ஆனா, இந்த ஏஜென்டிக் ஏஐ ஒரு படி மேலே போய், உங்களோட ஃபைனான்சியல் கோல்களைப் புரிஞ்சுக்கிட்டு நீங்க செட் பண்ற லிமிட்டுக்குள்ள தானாவே முடிவுகளை எடுக்கும் வல்லமை கொண்டது.
உதாரணத்துக்குச் சொல்லணும்னா, சாதாரண ஏஐ சிஸ்டம்கிட்ட போய் “நான் மியூச்சுவல் ஃபண்ட்ல இன்வெஸ்ட் பண்ணணுமா?” அப்படின்னு கேட்டா, அதுக்கு இருக்கிற தகவல்களை வச்சு உங்களுக்குப் பதில் கொடுக்கும். ஆனா, இந்த ஏஜென்டிக் ஏஐ உங்களுடைய ரிஸ்க் எடுக்கும் திறன் எவ்வளவு இருக்குன்னு கணக்குப்போட்டு, அதுக்கேத்த சரியான ஃபண்டுகளைத் தேர்ந்தெடுத்து, உங்களோட அனுமதியோடு தானாவே இன்வெஸ்ட் செஞ்சுடும். அதுமட்டுமில்லாம மார்க்கெட் ஏற்ற இறக்கங்களுக்கு ஏத்த மாதிரி உங்களோட போர்ட்ஃபோலியோவை அதுவே அட்ஜஸ்ட் பண்ணிக்கும்.
ஒவ்வொரு மாசமும் சம்பளம் வந்த உடனே பில் கட்டுறது, மீதி காசை எங்க சேமிக்கிறதுன்னு யோசிக்குறதே ஒரு பெரிய வேலையா இருக்கும். ஆனா, இந்த ஏஜென்டிக் ஏஐ உங்களோட பேங்க் அக்கவுண்ட்டை கண்காணிச்சு, செலவு செய்யும் பழக்கவழக்கங்களை அனலைஸ் பண்ணும். அக்கவுண்ட்ல இருக்கிற பணத்தை உங்களோட ஃபைனான்சியல் கோல்களுக்கு ஏத்த மாதிரி தானாவே ஃபிக்சட் டெபாசிட் அல்லது மியூச்சுவல் ஃபண்டுகளுக்கு மாத்திடும். இதனால தேவையில்லாம பணம் வீணாகுறது தடுக்கப்படும்.
நம்ம உடம்பு எப்படி இருக்குன்னு தெரிஞ்சுக்க எப்படி ரத்தப் பரிசோதனை செஞ்சுக்கிறோமோ, அதே மாதிரி நம்ம பொருளாதார ஆரோக்கியத்தைத் தெரிஞ்சுக்கவும் ஒரு சிஸ்டம் தேவை. இந்த ஏஜென்டிக் ஏஐ உங்களோட லோன், தினசரி செலவுகள், இன்சூரன்ஸ் பிரீமியம் எல்லாத்தையும் கணக்குல எடுத்துக்கிட்டு ஒரு கம்ப்ளீட் ஃபைனான்சியல் ஸ்கோரை உங்களுக்குக் கொடுக்கும். இதன் மூலம் உங்களைச் சரியான பண மேலாண்மைப் பாதைக்கு இது வழிநடத்தும்.
நம்ம வாழ்க்கையில வர்ற மாற்றங்களுக்கு ஏத்த மாதிரியும் இந்த ஏஐ பிளான்களை மாத்திட்டே இருக்கும். உதாரணத்துக்கு, உங்க குழந்தைங்க ஸ்கூல்ல சேரும் போது அவங்களோட படிப்புச் செலவுக்கு எவ்வளவு பணம் தேவைப்படும், அல்லது புதுசா ஒரு வீடு வாங்கும் போது எவ்வளவு பட்ஜெட் தேவைப்படும் அப்படின்னு காலத்துக்கு ஏத்த மாதிரி உங்களோட இன்வெஸ்ட்மென்ட் பிளான்களைத் தானாவே ரீ-டிசைன் பண்ணிடும். இதனால தேவையில்லாத மன உளைச்சல் மற்றும் பண நெருக்கடி ஏற்படுவது முற்றிலும் குறையும்.
ஏஐ தானாவே முடிவு எடுக்குதுன்னா அப்போ நம்ம பணம் சேஃபா இருக்குமா என்ற கேள்வி வரலாம். இதற்கான விளக்கமும் இந்த டெக்னாலஜியில் மிகத் தெளிவாக உள்ளது. ஏஜென்டிக் ஏஐ ஒரு முடிவு என்பதை எடுக்கிறதுன்னா அது ஏன் அந்த முடிவை எடுத்தது அப்படின்ற காரணத்தை உங்களுக்குத் தெளிவாக விளக்கும். அதுமட்டுமில்லாம, இறுதி முடிவு எடுக்கும் அதிகாரம் எப்போதும் உங்க கையில தான் இருக்கும். நீங்க சில எல்லைகளை செட் பண்ணிக்கலாம்; உதாரணத்துக்கு 5,000 ரூபாய்க்கு மேல எந்தவொரு பரிவர்த்தனை நடந்தாலும் உங்களுடைய அப்ரூவல் இருந்தா மட்டும்தான் அது எக்ஸிகியூட் ஆகும்.
பணம் சம்பாதிப்பது ஒரு கலை என்றால், அதைச் சரியாக நிர்வகிப்பது மற்றொரு கலை. இந்த ஏஜென்டிக் ஏஐ தொழில்நுட்பம் உங்களோட பொருளாதார நிலையைப் பொறுத்து மிகச் சரியான உதவிகளைச் செய்யும் ஒரு டிஜிட்டல் மேனேஜராக இருக்கும் என்பதில் எவ்வித சந்தேகமும் இல்லை. இருந்தாலும், முழுமையாக ஏஐ-யை மட்டுமே நம்பியிருக்காமல் சுயமான ஆலோசனையுடன் முதலீடுகளை மேற்கொள்வதே எப்போதும் சிறந்தது.
