தமிழ் ஊடகத்துறையில் புதிய அத்தியாயமாகத் தடம் பதிக்கும் ‘வெற்றி NEWS 24×7’ தொலைக்காட்சியின் அதிகாரப்பூர்வ லோகோ வெளியீட்டு விழா, நேற்று (ஆகஸ்ட் 20) மாலை சென்னையில் மிகவும் கோலாகலமாக நடைபெற்றது. செய்தித் துறையில் வெளிப்படைத்தன்மையையும், விரைவான தகவல்களையும், மக்களுக்குக் கொண்டு சேர்க்கும் நோக்கில் தொடங்கப்பட்டுள்ள இந்தச் செய்தி அலைவரிசையின் லோகோ வெளியீடு, அரசியல் மற்றும் ஊடக வட்டாரங்களில் பெரும் எதிர்பார்ப்பை ஏற்படுத்தியுள்ளது.
நேற்றைய விழாவிற்கு, மாண்புமிகு அமைச்சர் திரு. என்.ஆனந்த் அவர்கள் தலைமை தாங்கி, வெற்றி NEWS 24×7 தொலைக்காட்சியின் அதிகாரப்பூர்வ லோகோவை முறைப்படி வெளியிட்டுச் சிறப்பித்தார். இந்தச் சிறப்புமிக்க நிகழ்வில், சிறப்பு விருந்தினராக மாண்புமிகு சபாநாயகர் திரு. JCD பிரபாகர் அவர்கள் கலந்துகொண்டு வாழ்த்துரை வழங்கவுள்ளார். மாநிலத்தின் முக்கியப் பொறுப்புகளில் உள்ள தலைவர்கள் ஒரே மேடையில் இணைவது விழாவிற்கு கூடுதல் சிறப்பைச் சேர்த்துள்ளது.
View this post on Instagram
மேலும், இந்த விழாவில் திரு. ஆதவ் அர்ஜுனா, திரு. செங்கோட்டையன், திரு. ராஜ்மோகன் உள்ளிட்ட பல முக்கிய அமைச்சர்கள், சட்டமன்ற உறுப்பினர்கள் (எம்.எல்.ஏ.க்கள்), அரசியல் கட்சித் தலைவர்கள் மற்றும் சமூகத்தின் பல்வேறு துறைகளைச் சேர்ந்த முக்கியப் பிரமுகர்கள் திரளாகக் கலந்துகொள்கின்றனர். ஊடகத்துறை சார்ந்த பல பிரபலங்களும் இந்த தொடக்க விழாவில் பங்கேற்றுத் தங்களது வாழ்த்துகளைத் தெரிவித்து வருகின்றனர்.
பொதுமக்கள் அனைவரும் இந்த வரலாற்றுச் சிறப்புமிக்க நிகழ்வைக் கண்டுகளிக்கும் வகையில், லோகோ வெளியீட்டு விழா முழுவதும் ‘வெற்றி வலைக்காட்சி’ மற்றும் வெற்றி நிறுவனத்தின் அதிகாரப்பூர்வ சமூக வலைதளப் பக்கங்களில் உடனுக்குடன் நேரலை (Live Streaming) செய்யப்பட்டது. புதிய பரிமாணத்தில் செய்தி சேவையைத் தொடங்கவுள்ள வெற்றி NEWS 24×7 குழுவினருக்குப் பல்வேறு தரப்பினரும் வாழ்த்துகளைத் தெரிவித்து வருகின்றனர்.