சமூக வலைத்தளங்களில் தினந்தோறும் ஆயிரக்கணக்கான வீடியோக்கள் உலா வந்தாலும், சக உயிர்கள் மீதான அக்கறையை வெளிப்படுத்தும் சில காட்சிகள் இணையவாசிகளை சட்டென்று ஈர்த்து உலகளவில் வைரலாகி விடுகின்றன. அந்த வகையில், சீனாவின் சோங்கிங் (Chongqing) நகரில் பரபரப்பான பொதுச் சாலையில் தவித்துக் கொண்டிருந்த ஒரு பாம்பை, நபர் ஒருவர் எவ்வித பயமும் இன்றி மிகவும் கூலாகச் செயல்பட்டுக் காப்பாற்றிய வீடியோ தற்பொழுது சோசியல் மீடியா பக்கங்களில் செம்ம டிரெண்டாக மாறியுள்ளது.
பொதுவாகப் பாம்பைக் கண்டால் மனிதர்கள் அச்சமடைந்து ஓடுவதே வழக்கம். ஆனால், இந்த வைரல் வீடியோவில் அந்த நபர் காட்டிய அசாத்திய தைரியம் இணையத்தை உலுக்கியுள்ளது.
A man in Chongqing saw a snake on the road and helped it safely return to the bushes. 🐍
He stayed calm, used a cloth, and kept the snake away from traffic.👍 pic.twitter.com/p8DVb8fQdr
இன்ஸ்டாகிராம் பக்கங்களில் காட்டுத்தீயாய் பரவி வரும் இந்த வீடியோவில், வாகனங்கள் அதிவேகமாகச் செல்லும் சாலையின் நடுவே பெரிய பாம்பு ஒன்று ஊர்ந்து வந்துள்ளது. இதனால் அது எந்நேரமும் வாகனச் சக்கரத்தில் சிக்கி உயிரிழக்கும் அபாயம் நிலவியது.
இதனைக் கவனித்த உள்ளூர் நபர், சற்றும் பயந்துவிடாமல் துணியை (Cloth) மட்டுமே பயன்படுத்தி, பாம்பிற்கு எவ்வித காயமும் ஏற்படாதவாறு லாவகமாகப் பிடித்துள்ளார்.
துணியின் உதவியோடு அந்தப் பாம்பை வாகனங்கள் வரும் பாதையிலிருந்து முழுமையாக விலக்கி, சாலையின் ஓரத்தில் இருந்த அடர்ந்த புதர்ப் பகுதிக்குச் (Bushes) பாதுகாப்பாகக் கொண்டு சென்றார். அங்கு அதனை மெதுவாகத் திறந்து விட, பாம்பும் பத்திரமாகத் தனது இயற்கை வாழிடத்திற்குள் சென்றது.
ஒரு ஊர்வன உயிரினத்தின் மீது காட்டிய இந்த அசாத்திய கருணையும், சாதுரியமான மீட்பு நடவடிக்கையும் இணையவாசிகள் மத்தியில் நெகிழ்ச்சியை ஏற்படுத்தி பாராட்டுக்களைக் குவித்து வருகிறது.
