சமூக வலைதளங்களில் விலங்குகள் மற்றும் பறவைகள் செய்யும் விசித்திரமான சேட்டைகள் தொடர்பான வீடியோக்கள் அவ்வப்போது வைரலாவது வழக்கம். சில வீடியோக்கள் நம்மை சிரிக்க வைக்கும், சில வீடியோக்கள் வியக்க வைக்கும். ஆனால், தற்போது வைரலாகி வரும் ஒரு வீடியோ, ஒரு பெண்ணின் சமயோசித புத்தியையும், விலங்குகள் மீதான அவரது தாய் பாசத்தையும் காட்டி பலரது இதயங்களை வென்றுள்ளது.
ஒரு குரங்கு சுவர் ஒன்றின் மீது அமர்ந்து கொண்டு, கையில் வைத்திருந்த ஒரு சோப்புக் கட்டியை ஏதோ ஒரு தின்பண்டம் என நினைத்து கடிக்க முயன்றது. இதைக் கவனித்த அங்கிருந்த ஒரு பெண்மணி, பதற்றமடையாமல் மிகவும் நிதானமாகச் செயல்பட்டார். பொதுவாக குரங்குகளிடமிருந்து எதையாவது பறிக்க முயன்றால் அவை கடிக்க வரும் அல்லது ஓடிவிடும். ஆனால், அந்தப் பெண் மிகவும் சாந்தமாக குரங்கிடம் பேசத் தொடங்கினார்.
பெண்ணின் சமயோசித செயல் குறித்து… பார்க்கையில், அவர் தனது கையில் இருந்த உருளைக்கிழங்கு ஒன்றை அந்த குரங்கிடம் காட்டினார். “அது சோப்பு, அதைச் சாப்பிடாதே” என்று அன்புடன் அவர் கூறிய வார்த்தைகளை அந்த குரங்கு புரிந்து கொண்டதோ என்னவோ, உடனடியாக கையில் இருந்த சோப்பை கீழே போட்டுவிட்டு, அந்தப் பெண் கொடுத்த உருளைக்கிழங்கை வாங்கிக் கொண்டு அங்கிருந்து சென்றது.
View this post on Instagram
சமூக வலைதளங்களில் வைரலாகும் இந்த வீடியோ… @the_ultimateboss_pritam119 என்ற இன்ஸ்டாகிராம் பக்கத்தில் பகிரப்பட்டுள்ளது. இந்த வீடியோவைப் பார்த்த நெட்டிசன்கள் பலரும் அந்தப் பெண்ணின் அன்பைப் பாராட்டி வருகின்றனர். “தாயின் அன்பிற்கு ஈடு இணை ஏதுமில்லை” என்றும், “விலங்குகளிடம் காட்டும் இந்த கருணை தான் மனிதநேயம்” என்றும் நெகிழ்ச்சியுடன் கமெண்ட் செய்து வருகின்றனர்.
விலங்குகளுக்கும் மொழிகள் புரியாவிட்டாலும், நாம் காட்டும் அன்பின் அதிர்வுகள் அவற்றுக்குப் புரியும் என்பதற்கு இந்த வீடியோ ஒரு சிறந்த உதாரணமாகும். ஒரு சிறிய விபரீதம் நடக்க இருந்த சூழலை, தனது அன்பான பேச்சால் அந்தப் பெண் மாற்றிய விதம் உண்மையிலேயே பாராட்டுக்குரியது. இந்த நெகிழ்ச்சியான காட்சி தற்போது இணையத்தில் பலரால் பகிரப்பட்டு வைரலாகி வருகிறது.