சொந்தமாக ஒரு வீடு கட்ட வேண்டும் என்பது ஒவ்வொரு சாமானிய மனிதனின் வாழ்நாள் கனவாகும். இந்த கனவை நனவாக்கும் வகையில், தமிழக அரசு கூட்டுறவு உணவு மற்றும் நுகர்வோர் பாதுகாப்புத் துறையின் கீழ் இயங்கும் மாவட்ட மத்திய கூட்டுறவு வங்கிகள் (DCCB) மூலமாகப் பொதுமக்களுக்கு எளிய முறையில் வீட்டுக் கடன்களை வழங்கி வருகிறது.
வணிக வங்கிகளை அணுகி எளிதில் கடன் பெற முடியாத semi-urban மற்றும் கிராமப்புற நடுத்தர மக்களுக்காகவே இந்தத் திட்டம் பிரத்யேகமாகச் செயல்படுத்தப்பட்டு வருகிறது.
இந்தத் திட்டத்தின் கீழ் தகுதியுள்ள விண்ணப்பதாரர்களுக்கு அதிகபட்சமாக ரூ. 10,00,000 (10 லட்சம் ரூபாய்) வரை வீட்டுக் கடன் நிதியுதவி வழங்கப்படுகிறது. இக்கடனுக்கான தற்போதைய வட்டி விகிதம் ஆண்டிற்கு 12% ஆக நிர்ணயிக்கப்பட்டுள்ளது. சந்தை நிலவரங்கள் மற்றும் வங்கியின் விதிமுறைகளுக்கு உட்பட்டு இந்த வட்டி விகிதம் அவ்வப்போது மாற்றியமைக்கப்படலாம்.
-
புதிய வீடு கட்டுதல்: உங்களுக்குச் சொந்தமாக நிலம் இருந்து, அதில் புதிய வீடு கட்ட நினைப்பவர்கள் இக்கடனைப் பெறலாம்.
-
வீடு வாங்குதல்: புதிதாகக் கட்டி முடிக்கப்பட்ட தனி வீடுகள் அல்லது அடுக்குமாடி குடியிருப்புகளை வாங்கப் பயன்படுத்தலாம்.
-
பழுதுபார்த்தல் மற்றும் புதுப்பித்தல்: ஏற்கனவே இருக்கும் வீட்டின் பாதுகாப்பை மேம்படுத்தவோ, பழுதுபார்க்கவோ இந்த நிதியைப் பெற முடியும்.
-
வீட்டை விரிவுபடுத்துதல்: இருக்கும் வீட்டிற்கு மேல் கூடுதலாக அறைகள் அல்லது தளங்கள் கட்ட நினைப்பவர்களும் இத்திட்டத்தின் கீழ் பயன்பெறலாம்.
இத்திட்டத்திற்கு விண்ணப்பிக்க மிகவும் எளிமையான தகுதிகளே நிர்ணயிக்கப்பட்டுள்ளன. விண்ணப்பதாரர் கண்டிப்பாகத் தமிழ்நாட்டின் நிரந்தரக் குடியாசிடராக இருக்க வேண்டும். இத்திட்டத்திற்கு விண்ணப்பிக்க எந்தவிதமான குறிப்பிட்ட வயது வரம்போ அல்லது சமூக அடிப்படையிலான கட்டுப்பாடுகளோ விதிக்கப்படவில்லை. தகுதியான வருமான ஆதாரமும், கடனைத் திருப்பிச் செலுத்தும் திறனும் கொண்ட எந்தவொரு தமிழக குடிமகனும் இந்த லோனுக்கு விண்ணப்பிக்கத் தகுதியானவர் ஆவார்.
-
ஆதார் கார்டு, பான் கார்டு அல்லது ஏதேனும் ஒரு அரசு அடையாளச் சான்று.
-
இருப்பிடச் சான்று (குடும்ப அட்டை / மின்சார பில்).
-
வருமானச் சான்று (சம்பளப் பட்டியல் அல்லது வருமான வரி தாக்கல் ஆவணங்கள்).
-
சொத்துரிமை ஆவணங்கள் (பட்டா, கிரையப் பத்திரம், வில்லங்கச் சான்று மற்றும் வரைபட அனுமதி).
-
சமீபத்திய பாஸ்போர்ட் அளவிலான புகைப்படங்கள்.
இந்த வீட்டுக் கடன் திட்டத்திற்கான விண்ணப்ப செயல்முறைகள் முற்றிலும் ஆஃப்லைன் (Offline) மூலமாக மட்டுமே தற்பொழுது நடைபெறுகின்றன.
-
வங்கிக்குச் செல்லுதல்: உங்கள் பகுதிக்கு அருகில் உள்ள மாவட்ட மத்திய கூட்டுறவு வங்கி (DCCB) அல்லது அதன் கிளைக்கு நேரடியாகச் செல்ல வேண்டும்.
-
விண்ணப்பம் பெறுதல்: அங்குள்ள அதிகாரிகளிடம் இருந்து கூட்டுறவு வங்கி வீட்டுக் கடன் விண்ணப்பப் படிவத்தைப் பெற்றுக் கொள்ளவும்.
-
படிவத்தை நிரப்புதல்: படிவத்தில் கேட்கப்பட்டுள்ள அனைத்து விபரங்களையும் பிழையின்றிப் பூர்த்தி செய்து, உங்களது புகைப்படத்தை இணைக்க வேண்டும்.
-
ஆவணங்களை இணைத்தல்: மேலே குறிப்பிடப்பட்டுள்ள அனைத்து தேவையான ஆவணங்களின் சுய சான்றொப்பமிட்ட (Self-Attested) நகல்களை விண்ணப்பத்துடன் இணைக்க வேண்டும்.
-
சமர்ப்பித்தல்: பூர்த்தி செய்யப்பட்ட படிவத்தை உரிய வங்கி அதிகாரியிடம் வழங்கி, அதற்கான ஒப்புதல் ரசீதை (Acknowledgement Receipt) பெற்றுக் கொள்ள வேண்டும்.
இதன் பின்னர், வங்கி அதிகாரிகள் உங்களது ஆவணங்கள் மற்றும் சொத்துக்களை நேரடியாக ஆய்வு செய்து சரிபார்த்த பின் கடனைத் தங்களது கணக்கிற்கு அனுமதிப்பார்கள்.
