தமிழ்நாடு முழுவதும் அண்ணா பல்கலைக்கழகத்தின் இணைப்புப் பெற்ற 400-க்கும் மேற்பட்ட பொறியியல் கல்லூரிகளில் பி.இ மற்றும் பி.டெக் படிப்புகளுக்கான அரசு ஒதுக்கீட்டு இடங்களை நிரப்பும் TNEA 2026 பொதுக் கலந்தாய்வு விறுவிறுப்பாக நடைபெற்று வருகிறது. நடப்பு கல்வியாண்டில் 2 லட்சத்திற்கும் அதிகமான இடங்களுக்கு விண்ணப்பங்கள் பெறப்பட்ட நிலையில், தற்போது முக்கிய மூன்று சுற்றுகள் வெற்றிகரமாக நிறைவடைந்துள்ளன.
மூன்று சுற்றுகளின் முடிவில் 1 லட்சத்திற்கும் மேற்பட்ட பொறியியல் இடங்கள் மாணவர்களால் தேர்வு செய்யப்பட்டுள்ளன. இந்த ஆண்டும் வழக்கம்போல முன்னணி அரசு மற்றும் சுயநிதிப் பொறியியல் கல்லூரிகளுக்கு இடையே கடுமையான போட்டி நிலவியது. இதன் முடிவில், மாநில அளவில் 31 கல்லூரிகளில் அரசு ஒதுக்கீட்டு இடங்கள் 100 சதவீதம் முழுமையாக நிரம்பி சாதனை படைத்துள்ளன.
100% சீட்கள் நிரம்பிய டாப் 10 கல்லூரிகள் மற்றும் அவற்றின் சராசரி கட் ஆஃப் விவரங்கள் அட்டவணையில் கொடுக்கப்பட்டுள்ளன:
-
1. Central Electrochemical Research Institute (CECRI), Karaikudi – 191.30
-
2. Anna University – CEG Campus, Chennai – 191.07
-
3. Anna University – MIT Campus, Chennai – 190.75
-
4. Coimbatore Institute of Technology (CIT), Coimbatore – 187.79
-
5. PSG College of Technology, Coimbatore – 187.03
-
6. Chennai Institute of Technology, Kanchipuram – 187.00
-
7. PSG Institute of Technology and Applied Research, Coimbatore – 186.20
-
8. Thiagarajar College of Engineering, Madurai – 183.78
-
9. Government College of Technology (GCT), Coimbatore – 182.87
-
10. Sri Eshwar College of Engineering, Coimbatore – 182.23
கடந்து ஆண்டை ஒப்பிடும் போது இந்த முறை பெரும்பாலான பொதுப் பிரிவுகளுக்கான கட் ஆஃப் மதிப்பெண்கள் சற்றே குறைந்து காணப்பட்டாலும், டாப் 10 கல்லூரிகளில் சேர்வதற்கான போட்டி தீவிரமாகவே இருந்தது. 3 சுற்றுகள் முடிந்த நிலைகளிலும் சில நல்ல கல்லூரிகளில் இன்னும் காலியிடங்கள் இருப்பதால், அடுத்து வரவிருக்கும் துணைக் கலந்தாய்வு (Supplementary Counseling) மூலமாக மாணவர்கள் இந்த வாய்ப்பைப் பயன்படுத்திக் கொள்ளலாம்.
முக்கியக் குறிப்பு: TNEA 2026 மூன்றாம் சுற்று பொறியியல் கலந்தாய்வின் முடிவில் முன்னணி 31 கல்லூரிகளில் 100 சதவீத இடங்கள் முழுமையாக நிரம்பியுள்ளன. இதுகுறித்த இந்த விரிவான கட் ஆஃப் பகுப்பாய்வு மற்றும் கல்லூரி சேர்க்கை தொடர்பான முக்கியத் தரவுகளைப் பிரபலக் கல்வி ஆலோசகர் தனது யூடியூப் (YouTube) பக்கத்தில் வெளியிட்டுள்ள வீடியோவில் பகிர்ந்துள்ளார். இன்னும் இடங்கள் காலியாக உள்ள கல்லூரிகளுக்கு அடுத்து வரவிருக்கும் துணைக் கலந்தாய்வு (Supplementary Counseling) மூலமாக மாணவர்கள் விண்ணப்பித்து பயனடையலாம்.
